قررت أن أبدأ من النهاية الي البداية….مش نهاية الثورة و الأحداث و لكن نهاية عصر كان واخدنا لنفق مظلم كلنا هنخبط جواه في بعض.. نهاية عصر كانت فيه الشرطة ارهاب و الارهاب تدين و التدين سلطة , نهاية عصر كنت بطلع فيه البطاقة و أنا خايفة لو ضابط طلبها مني مع أني لم احرر أو يحرر لي محضر من قبل… نهاية عصر لا يعترف فيه بصوت بالشعب و يعاملوا علي انهم … رقم.
رقم يتكلموا عنه في التصريحات,رقم في الاحصائيات و المؤتمرات و الاتفاقيات,رقم عبيء عليهم مش أيادي للتنمية… رقم كالذي يحصي عدد من المحاضر و المخالفات الواجب تسليمها اخر اليوم… زي رقم ضحايا العبارة و القطارات باختلاف اتجاهاتها..احنا في نظر الحكومة و النظام المصري كنا مجرد … رقم.
هذا الرقم أصبح في أسبوع يتعمل له ألف حساب …لما قمنا كلنا و نزلنا و أعلنا للعالم التحضر و التلاحم و القوة الشعبية المصرية كل العالم عملت لينا ألف حساب و أعتبر أن أبسط حقوقنا هو الحوار…. و لما تأخر الرئيس و المسئولين في الرد بكلمة تهدينا و لم يردوا علينا كان ده برضه بمنطق الرقم…تزيد الأعداد في ثاني يوم و يقترح وزير الداخلية علي الرئاسة التعامل معانا فيأخذ الموافقة..ويتعهد العادلي بلم الليلة في 3 أيام ويوافق الرئيس و الأثنين عملوا كده برضه لأننا رقم..
ضرب.. اهانة.. سباب و شتائم.. قنابل و اختناق.. وغيرها من وسائل الاحباط التي حاولت اسكات و تخويف الرقم.. و لكن الرقم ثار أكثر و لم يهدأ و بعند الشرطة يزداد الرقم اصرارا و بسكوت الرئاسة يزداد الرقم غضبا…حتي يبدأ الرئيس في اعادة النظر في اننا (طلعنا) أرواح و بني ادمين…لأ و كمان لينا صوت ..ده الصوت كمان مؤثر …ايه ده العالم كله واقف علي رجل و بيقولك اسمع…دول مش قلة و مش مندسة…ملهومش أي علاقة بالأحزاب و الموضوع دخل في الجد.. وينزل الجيش… فالشرطة (تتامص) تاخد علي خاطرها يعني و تروح بيوتها…وانتوا عارفين الباقي…حتي يعلن عن خروج الرئيس علي الشعب في خلال دقائق و يتأجل الخطاب 6 ساعات و يعلن ان رئيس مجلس الشعب هيلقيه عنه و بعدين يطلع يقوله الرئيس للشعب…لا أحد يعلم في ماذا كان يفكر حين اعلن اقالة الحكومة؟!! و لا أعتقد انه كان متمسك وقتها باعتبارنا رقم.. لكنه رمي بقراره ..ضرب بس ملقاش …أكتر خطاب محبط في تاريخه ..بل تاريخنا …
و نشتعل و نزداد تمسكا بالمطالب و من غير ما أطول عليكوا باقي التفاصيل اللي في النص هتلاقوها في التوك شو و من العربية و البي بي سي تجيبوها … و لا أنصح بالجزيرة للمصريين أو اللي ماشاوفوش الميدان علي حقيقته كما لا أنصح ببرنامج 48 ساعة لأمراض الضغط و السكر و القلب و من لديهم حساسية من الاستظراف.
ماعلينا … اخيرا و بعد التفاصيل اللي شفتوها و عيشناها خرج الرئيس بخطاب تاني… و كلنا قلنا قبله ماترفعوش تطلعاتكم علشان منحبطش و احنا مش متوقعين منه الكثير …غالبا هيبقي زي اللي قبله ..
خرج الرئيس بالخطاب و خليني أفكركوا بأبرز مطالبنا :-
-خروج و رحيل الرئيس
– حل مجلسي الشعب و الشوري
– تعديل مواد الدستور 76و77و88
غير المطالب طبعا التانية بتاعة الحد الأدني من الدخل و اقالة حبيب العدلي و غيرها من المطالب الفرعية مع انها مهمة جدا و لكنها أكيد مترتبة علب المطالب الاول , و ده غير المطلب الجديد بتاع محاكمة المسئولين في الداخلية و غيرها عن الانفلات الامني بتهمة الخيانة العظمي.
لم أكن يوما من المؤيدين النظام مبارك و لكن القدر شاء الا اري غيره رئيس … و ده سبب أدعي يخليني عايزاه يمشي و أكون جزء من الناس اللي بتقوله مع ألف سلامة..
و لكن أري و ده رأيي الشخصي و أحترم أي حد يختلف معايا و لكن أرجو ان يسمعني …أري ان الخطاب ده حط حجر الأساس لبداية عصر و حقبة جديدة يعامل فيها المواطن المصري علي انه بني ادم..مش بس كده…ده بني ادم ليه صوت و تأثير مهم و مسموع .. و مش بقول ان الحجر ده الللي حطه الرئيس علشان ماتكلونيش ..احنا الللي رسمنا البداية و احنا اللي بنبدأ البني…
لكن من وجهة نظري المكسب من 80 الي 90% مواد الدستور 76 و 77 هتتعدل و كلنا هنصوت عليها و حتي و ان غابت 88 فخلونا نتفاوض تاني عليها …هيتم الحكم في قضايا الطعن في عضويات المجلس و مع اني لم أكن أقبل سوي حل المجلس لكن خلونا نحله مع رئيس جديد في حقبة نظيفة بعد شوية شهور و حتي و ان تم التزوير في تعديل المادتين فاحنا مش ساكتين وواقفين بالمرصاد… اذا وافقنا و قبلنا بده دلوقتي بس ده مش ضعف منا .. دي ثقة و قوة … ثقة في نفسنا مش فيهم … احنا في موقف قوة.
و الرئيس راحل راحل…طلب الموت في بلده …مش متعاطفه معاه و لكن بشوف ان قبولنا بالخطاب ده هييجي علينا بمنافع كتير.
اولا : هيقفل الباب علي كتير من المتنفعين راغبي قطعة من التورتة…واللي شايف في نفسه القوة و مقومات الزعيم موعدنا بعد 7 شهور و هات معاك برنامجك الانتخابي.
2- ثانيا : هيظهر للعالم كله مدي تحضر الشعب المصري و اختلاف طبيعته في التعامل مع رئيس أو مسئول قدام لو أخطأ ينسحب من غير ما يخاف علي روحه أو يخاف من رحيله من البلد.
3- ثالثا :احنا مش فاضيين..ورانا شغل كتير أوي في الشهور اللي جايه خلينا نسيب التأييد و المعرضة و نكمل بناء لأن هو ده اللي حركنا من أول يوم 25 يناير الساعة 2 الظهر.
4- رابعا : عشان العيون الكتير اللي علي مصر و مترقبة و اللي عقلي اللي علي ادي ميعرفهاش سواء كانت أمريكا أو حماس ولا اسرائيل ولا حاجة تانية منعرفهاش متقلبناش علي بعض و تستخدمنا كعرايس ماريونت.
5-خامسا : عشان احنا مش أهلي و زمالك أو ألتراس اللي بيشجع مبارك و اللي بيشتم فيه … و ننسي اننا مصريين عدي علينا حكام لقرون العادل منهم و الطاغية و تخطينا كل دول.
و اخيرا عايزة أقول رحم الله الشهداء اللي ماتوا علشان مصر تخرج من أغلالها و علشان أهاليهم و احفاد اهاليهم يعيشو حياة كريمة.
مصر خلاص خرجت و صوتنا هز 29 محافظة ووقف 5 قارات علي رجلها مترقبة لمدة 8 أيام…
الرقم ضرب يا مصريين و ورقة اللوتاري كسبت…رقم الحظ 85 مليون خلونا نهدأ و نفكر و نركز … و لو لسه مخونين عشان الخطاب ناقص تفاصيل مبقولش انها مش مهمة … و لو عايزين لسه الضمان … في ايدينا أكبر ضمان … مصر خرجت … و الضمان ميدان التحرير.
ملحوظة: رجاء شخصي للمؤيدين لخطاب أمس ان ينسحبوا من الميدان و يسيبوا المعارضين يعبروا عن رأيهم بحرية و هو ده اللي كنا بندور عليه كلنا … حرية الرأي و التعبير … و علشان اللي عاملين شغب من المؤيدين اللي قابضين مايلاقوش اللي يدعمهم…
نسمة زعزوع
Domino 
رائعة ومبدعة ومصرية… فخورة بيكي لأبعد حد، ومعاكي تماماً… يا رب عدي المحنة وتفضل مصر فوق كل القمم.
thnaks menas .. ameeen yarab
حسبى الله ونعم الوكيل فكل اللى ساهم فاللى بيحصل ولو بكلمة الانانين نكرين الجميل اللى ميعرفوش يحترمو ابوهم اللى عاملين فيها ال اية مصرين تلوثت ايديكم بدم كل قتيل قتل فى هذة الاحدات وكل من سرق واصاب ايديكم تلوثت بدمائهم يا خونة يالى ماتجوش مليون اية نسيتو ال84 الباقين كلنا مويدين ومش قبضين عارفين بس معنى الرضا احنا موجودين فالاساس لنعبد الله بس الدنيا غرتكو واخدتكو اتقو الله واتقو يوم ستعرضو على الله لو فى سرطان فالدراع يتقطع عشان الجسم يعيش انا مش هندخل فتقيم اللى كتباه لانى بالى باللى بيضرو مش باى حاجة تانية دلوقتى مش وقت الرد دلوقتى وقت انك تفضلى الامان على الراى لو مافيش امان مش هيبقى فى اى حاجة تانية مش خايفة تموتى وانت ليكى يد فكل اللى حصل حسبى الله ونعم الوكيل فكل اللى ساهم فاللى بيحصل ولو بكلمة
انا معنديش مشكلة ابدا فان راي حضرتك يكون مختلف .. هستأذنك بس تهدي و توضحلي وجهة نظرك لأني مفهمتش الكومنت
شكرا
لول واضح انك كمان ساقطة حساب لان كل واحد من دول علي الاقل بيمثل 20 الي 40 فرد هم افراد عيلته عن نفسي اسرتي بس 12 فرد يعني المليون دول = 42 مليون علي الاقل مؤيدين ليهم و طبيعي لام تكونى نسيتي الناس اللي مش تقدر تنزل و الناس اللي اتطردوا من البلد و الناس اللي في باقي المحافظات و الناس اللي محبوسة يعني من الاخر ارجوكي ادرسي حساب من الاول لوووووووووووول … بالمناسبة هو الاستاذة تعرف حد في امن الدولة عشان كده منهارة .. اقولك روحي لام خالد سعيد قوليلها معلش حقك عليا اصل ابويا قتل ابنك
يا أستاذ محمد
الحسبة اللي بتقولها دي ممكن تكون صحيحة جدا و دي حاجة تتطمني انه اللي في الميدان مش بس 2 مليون و باقي الشعب مغيب …لأ ده كلنا فاهمين ووعين مش عايشين في وادي و البلد في وادي
ثانيا : عندما تتحدث عن الأرقام في مادة رأي كما يقول أساتذة الاعلام الأرقام بتكون مجازية و ليست حقائق موثقة لأن ده مش تحقيق… مع العلم اني لم أقلل من العدد .. و لو أخدت بالك انا كاتبة “دول مش قلة و مش مندسة”…
فكرة السخرية و تسفيه الرأي الاخر مكانها مش هنا لأن المكان هنا يساع أكبر عدد بس ممن يتقبلون الاخر و غير كده مفيش مكان …
بالنسبة لموضوع أمن الدولة .. التخبيط بالكلام و اتهام الاخر من غير سبب و ذكر سيرة من حملونا فوق رؤؤسهم حتي نكبر و يبقي لينا رأي و فكر و صوت غير مسموحة خصوصا اذا كنت بتجيب سيرتهم بما هو عكس الخير
مش محتاجة اقولك أنا مين و بعمل ايه و خالد سعيد بيمثل ليا و لكل اللي اعرفهم ايه لأني مش محتاجة اثبتلك حاجة …
أستاذ محمد … مصر بتخرج و بتتطلع و لازم كلنا نطلع معاها بأخلاقنا و فكرنا و تحضرنا مهما اختلفنا و ده اللي نادينا بيه من أول ما نزلنا أول يوم … حرية حرية حرية
أرجو المرة الجاية ترتفع بموستوي الحوار و نحترم الجميع
3gbni klamk gden ..d klam al mntk ..l2an wad7 n m7dsh msto3b n al bald fe nas kter 3izyn yo23oha w ya 5ofyi la y5rbha al fyha l2an bldna msh hyo23ha al tfkokha mn gwa ..rbna yostr w yhdi al dmy3
wht u say i respect it so much ..
thanks masreya … yarab te3adi 3ala 7’eeer w no7’rog mn el dalma .. masr be ahlaha shodad we dih mesh she3arat w isa isa hat3adi 3ala 7’eer
please all read the Destor and you will know that MOUBARAK Didnot give us ANYTHInG BIG Zero
the magles elsha3b[which is already almost 100% of it from the 7ezb ] Must agree on the following:
1-all the court decisions regaridng the validation of the membership for the ppl who cheated in the elections
2-the changes in the two مواد الدستور 76و77
3-specify if the president made : Kheyana 3ozma or not ;and should be scentenced to court
WHAT GAIns AND WHat ERA ?
ok bas momken te2oli bezabt enta 7’ayef bezabt mn eih .. ay bema3na asa7 me7’awen f eih belzabt
we el talab el tani .. read my new article within minutes …
لما يكون في مريض عايز يعمل عمليه والدكتور يقول ان العمليه مش هتنفع الا بعد العلاج لمده شهر وكل اصحاب واحباب المريض شيفينوا بيتعذب وبيقولوا ان العمليه لازم تتعمل حالا
تفتكروا كلام مين الصح
طبعا الدكتور لان اصحابه واحبابه ميفهموش في الطب
ونفس الكلام بالنسبه لمصر
السياسين المصريين قالوا ان افضل حل رحيل الريس بعد انتهاء مدته وليس الان
peace
برافو عليك يا نسمه … بس المشكله الوحيده ان الناس اللي بتتظاهر ده (طبعا مش كلهم )يمكن اللي سعوا لبدء الحركة مش حيقوموا تاني لانهم حيتلموا في المعتقلات ده اذا فضلوا عايشين
يعني لا تعديلات دستوريه … ولا حتقوم للشباب قومه تاني .. لاننا كنا من سنين ساكتين وصعب القومه ده تتكرر
1مينفعش الرئيس يمشي كده وارجو النظر في الدستور
2-لما مجلس الشعب و الشورة يتحلل مين الذي يعدل في القوانين والدستور
أرجو اتاح الفرصة للحكومة الجديدة للعمل و ميدان التحرير موجود
وأنا واثق في أحمد شفيق و عمر سليمان
معاكي يا نسمة أن أحنا وصلنا لكتير أوي من مطالبنا, لكن الناس الموجودة لحد اللحظة دي في ميدان التحرير كل واحد عنده هم وهو الدافع اللي بيحركه , منهم أهالي وأسر لضحايا ماتوا في ميدان التحرير دفاعا عن الثورة دي ومنهم اللي بيعاني من زمان من ظلم وقهر وقمع , فلازم منصادرش على رأيهم وحقهم في التظاهر زي ما كنا بنادي النظام أنه يعمل , معاكي في أن أحنا ورانا شغل كتير أوي أننا نبني ونعمر ونكبر البلد دي لأنها محتاجه مننا أكتر , لكن لازم نلتمس العذر لكل المتظاهريين والمعتصميين الآن , لازم نحكم عقلنا ..عارف , لكن لازم برضه حد يطفي نار الناس دي ويقولهم أن حقهم هيرجع وأن الظلم أنتهى وأن مصر راجعه , لكن ده محصلش لحد دلوقتي غير بشوية قرارات فقد النظام السابق وبقاياه الآن مصادقيتهم بالعمل عليها ..فكيف للشعب الآن الضمان ؟
معاك حق … بعد التفكير … أوافق …
شوف مقالة النكتة السخيفة علي البلوج للرد علي ده …
بالمناسبة مجيتش ليه حملة النضافة